khmer eng
  • ឯកឧត្តម ប្រាក់ សុខុន អញ្ជើញនាំយកទៀនចំណាំព្រះវស្សា ប្រគេនព្រះសង្ឃគង់ចាំព្រះវស្សានៅវត្តសុវណ្ណបទុម និងវត្តបង្គលសត្ថាវ័ន
     
    ចែករំលែក ៖

    នាព្រឹកថ្ងៃសុក្រ ទី២ ខែសីហា ឆ្នាំ២០២៤ ឯកឧត្តម ប្រាក់ សុខុន អនុប្រធានទី១ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១(រាជធានីភ្នំពេញ) ព្រមទាំងថ្នាក់ដឹកនាំ មន្ត្រីរាជការនៃអគ្គលេខាធិការដ្ឋានព្រឹទ្ធសភា បានអញ្ជើញនាំយកទៀនចំណាំព្រះវស្សា ទេយ្យទាន ទេយ្យវត្ថុ ព្រមទាំងបច្ច័យ ប្រគេនព្រះសង្ឃគង់ចាំព្រះវស្សានៅវត្តសុវណ្ណបទុម (វត្តបក់មាស) និងវត្តមង្គលសត្ថាវ័ន (វត្តព្រែកតាគង់) ស្ថិតក្នុងខណ្ឌជ្រោយចង្វារ រាជធានីភ្នំពេញ ដើម្បីឧទ្ទិសកុសលផលបុណ្យជូនដល់មាតា បិតា ញាតកាទាំង៧សន្តាន និងបុព្វការីជនដែលបានពលីជីវិតបម្រើជាតិមាតុភូមិ សូមដួងវិញ្ញាណក្ខន្ធរបស់លោកអ្នកមានគុណទាំងនោះ បានទៅកាន់សុគតិភព កុំបីឃ្លៀងឃ្លាតឡើយ។
    ទេយ្យទាន និងបច្ច័យ ដែលនាំយកទៅប្រគេនព្រះសង្ឃ ក្នុងវត្តរួមមាន៖ ទៀនព្រះវស្សា ចំនួន០២គូ ស្លាដក អង្ករ(១បាវ=៥០គីឡូក្រាម) ចំនួន១០បាវ មីជាតិចំនួន២០កេស ត្រីខចំនួន១០កេស ទឹកដោះគោខាប់ចំនួន១០កេស ស្ករស (១បាវ=២៥គីឡូក្រាម) ចំនួន០២បាវ តែចំនួន១០កញ្ចប់ ទឹកត្រីចំនួន១០កេស ទឹកស៊ីអ៉ីវចំនួន១០កេស ទឹកសុទ្ធចំនួន៤០កេស ទឹកក្រូចចំនួន២០កេស ទឹកផ្លែឈើចំនួន២០កេស និងបច្ច័យកសាងវត្តចំនួន៨លានរៀល បច្ច័យប្រគេនព្រះសង្ឃចំនួន១៤លានរៀល ព្រមទាំងជូនតាជី យាយជីចំនួន៤០នាក់ ក្នុងម្នាក់២ម៉ឺនរៀល សរុបថវិកាចំនួន២២,៨០០,០០០រៀល(ម្ភៃពីរលានប៉ែតសិបម៉ឺនរៀល)…។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងក្រុមមិត្តភាពព្រឹទ្ធសភានៃព្រះរាជាណាចក្រកម្ពុជាជាមួយក្រុមប្រឹក្សាសហព័ន្ធនៃសភាសហព័ន្ធ នៃសហព័ន្ធរុស្ស៊ី
    thumbnail
     
    ញត្តិគាំទ្រ របស់គណៈកម្មការទី៤ ព្រឹទ្ធសភា
    thumbnail
     
    ញត្តិគាំទ្រ របស់ក្រុមសមាជិការ ព្រឹទ្ធសភា
    thumbnail
     
    កិច្ចប្រជុំពិនិត្យនិងសម្រេចលើការបែងចែកតួនាទី ភារកិច្ច និងការទទួលខុសត្រូវរបស់សមាជិកខុទ្ទកាល័យ
    thumbnail
     
    ញត្តិគាំទ្រ របស់គណៈកម្មការទី៥ ព្រឹទ្ធសភា